Қосқан әр арнада сол бір білім базасы, сол бір сөйлеу мәнері. Ал қай хабарламаға жауап беруге болатынын — түрі бойынша, бір-бірлеп — өзіңіз шешесіз.
Ең алдымен — басыңыздағы сұрақ: WhatsApp әзірге жоқ, мерзімін де ойдан шығармаймыз. Қазақстанда «чат-бот» дегенде көбі WhatsApp-ты ойлайды, сондықтан бұл сөйлем беттің түбінде емес, дәл осында тұр: барлық сатылымыңыз сонда болса, қалғанын оқымай-ақ қойыңыз. Ал Instagram Директінде, Telegram-да немесе өз сайтыңызда жауап берсеңіз — беттің әрі қарайғысы сіз үшін жазылған.
Директтегі хабарламалар. Пост пен Reels астындағы пікірлер. Пікірден кейін баратын Директ. Сторингізге келген жауаптар және өзгенің сторисіндегі белгілеу — әрқайсысының өз тумблері бар, және өзіңіз қоспағанша бәрі өшулі тұрады.
Ал оның қолынан келмейтіні — және ешкімнің де қолынан келмейтіні — бірінші болып жазу. Meta сізге өзіңізге жазған адамға 24 сағат ішінде, пікір қалдырған адамға 7 күн ішінде жауап беруге рұқсат етеді. Жазылушылардың бәріне Директпен жаппай тарату мүлде жоқ.
Ботыңызға келген жеке хабарламалар. Жауабының астына ол білім базаңыздан екі-үш ұқсас сұрақты түйме етіп ұсына алады: адам теріп отырмай, бір басып әңгімені жалғастырады, ал ол жауап модельге сұрау салмай, тікелей базадан шығады.
Виджетте басталған әр әңгіме. Мессенджерлердегі сол агент, сол жауаптар — және командаңыз үшін сол бір терезе.
Бұл — бөтен ереже жүрмейтін жалғыз арна: 24 сағаттық терезе де жоқ, ешкімнен сұрайтын рұқсат та жоқ.
Үйрететін модель де жоқ, баптайтын промпт та жоқ. Материалыңызды бересіз де, өзін қалай ұстау керегін айтасыз.
Материалыңызды беріңіз
«Сұрақ → жауап» жұптары, мәтін блогы, файл (PDF, DOCX, TXT немесе Markdown, 25 МБ-қа дейін) немесе беттің сілтемесі — бетті сіздің орныңызға өзіміз оқимыз.
Қалай сөйлейтінін айтыңыз
Дайын тонды таңдайсыз немесе ережені өзіңіз жазасыз. Содан кейін жауап тілін таңдап, ол сөзіңізді өз сөзімен айта ма, әлде сөзбе-сөз қайталай ма — соны шешесіз.
Тек керек жерде қосыңыз
Арна бойынша, хабарлама түрі бойынша. Сол түрді өзіңіз қоспағанша, агент ешнәрсеге жауап бермейді.
Не өткізіп алғанын оқыңыз
Сеніммен жауап бере алмаған әр сұрақ бір тізімге түседі. Бір рет жауап жазасыз — сол сұрақ енді өтіп кетпейді.
Әрі қарай оқымас бұрын, тура жауап: ЖИ-агент «Премиум» тарифіне кіреді — айына 14 290 ₸ және 500 ЖИ-жауап. «Плюста» (7 490 ₸) ол жоқ. «Сынақ Премиум» 1 күн тегін ашылады, әр аккаунтқа бір рет, ішінде 30 ЖИ-жауап бар.
Баға, шарт және мерзім интернеттің бір бұрышынан емес, өзіңіз жинаған білім базасынан шығады. Ал сұраққа базада ештеңе болмаса, ол сан ойлап таппайды, солай деп айтады.
«Сұрақ → жауап» жұбы — аптасына жүз рет сұралатын жиырма нәрсені үйретудің ең қысқа жолы. Мәтін блогы — шарттарыңыз, сипаттамаңыз, жиі қойылатын сұрақтарыңыз: қалай тұрса, солай қойыла береді.
Файл: PDF, DOCX, TXT немесе Markdown, 25 МБ-қа дейін — оны өзіміз оқып, бөліктерге бөліп береміз. Немесе сілтеме: беттің адресін қоясыз, мәтінді сол жерден өзіміз аламыз.
Бәрін кейін өңдеуге болады, ал білім базасында іздеу жолағы бар — отызыншы жауапта соған рахмет айтасыз.
«Бөліп төлеу туралы сұраса, шартын айт та, менеджерге қос». «Қымбат десе, жеңілдік берме — бағаға не кіретінін айт». Ережені бір сөйлеммен жазасыз: агент оны тек сол тақырып шыққанда қолданады. 50 ережеге дейін.
Тестілеу экраны бар: сұрақты өзіңіз қоясыз, ал жауап нағыз білім базаңыздан шығады. Жауапты түзетесіз, қайта сұрайсыз. Мұндай сынақтар айлық лимитіңізден (500 ЖИ-жауап) алынбайды.
Жоғарыдағы жеті сұрақ әдетте Директіңіздің көбін жауып тастайды. Жауабын жазуға бір кеш кетеді, бір рет — содан кейін түнгі он бірде теретін ештеңе қалмайды.
Дайын тоннан бастайсыз да, әдетте өзі жауап беретін адамға ұқсағанша мәтінді өңдейсіз.
Агент кім, нені уәде ете алады және нені ешқашан айтпауы керек. Дайын тон бұл өрісті сіз үшін толтырады; әрі қарай мәтін сіздікі, әрі агентке дәл өзіңіз тергендей жетеді. Бірінші хабарламаға сәлемдесу қосуға болады.
Екі стиль. Өз сөзімен — тірі жауап, әңгіменің желісін ұстайды. Базадан сөзбе-сөз — білім базаңыздағы дәл сол сөйлем: баға, шарт және заңға қатысты нәрсенің бәрі үшін керегі осы.
Тізімде 10 тіл: қазақша, орысша, ағылшынша, украинша, беларусша — және тағы бесеуі. Өз тіліңізді тізімнен іздеп отырмайсыз: біреуін таңдайсыз, агент сол тілде жазады.
Клиенттеріңіз бірде қазақша, бірде орысша жазады — білім базасын екі тілде де толтыруға болады. Ал нұсқаулық өрісіне жазғаныңыз агентке сол күйінде жетеді, сондықтан «әрқашан қазақша жауап бер» деген сөйлем шынымен де сол қалпында барады.
Жоғарыдағы тон аттары мен екі стильдің аты — кабинеттегі дәл сол сөздер: сайт та, кабинет те қазақша, және мұнда оқығаныңызды панельден сол күйінде табасыз. Клиентіңіз оқитын мәтінге бұл әсер етпейді: оны басынан аяғына дейін өзіңіз жазасыз.
Әңгіме тірі адамға жететін үш жол бар.
Бастапқыда ол алты сөзге жауап береді: «оператор», «менеджер», «человек», «живой», «operator», «support». Қазақстанда клиенттердің көбі дәл солай жазады, ал «оператор» мен «менеджер» қазақшада да сол күйінде айтылады — сондықтан тізім бірінші күннен пайдаға асады. Қазақша сөздерді — «адам», «тірі адам», «маман» — және өзіңізге керектерін («қайтару», «шағым», бәрі сұрайтын менеджердің аты) өзіңіз қосасыз. Сол сөз шыққан сәтте әңгіме командаңызға көшеді.
Ашуланған клиент, өз шеңберінен тыс өтініш, орнында айналып жүрген әңгіме: ол тағы бір жауап көрмей, командадан адам жалғасатынын айтады да, шегініп тұрады.
Бұл жерде шешетін — сіз: ол үндемей қалады да, сұрақ командаңызды күтеді; өзіңіз жазған қосалқы сөйлемді жібереді; немесе әңгімені бірден операторға береді. Әдепкісі — үндемеу, өйткені қате жауап баяу жауаптан қымбатқа түседі.
Берілгеннен кейін диалог «күтуде» деп белгіленеді, ал бот үндемейді: командаңыздың үстінен ешқандай автоматтандыру сөйлемейді. Операторыңыз чатты ашқанда қысқа жазба көреді — не сұрағанын және агент қай жерде тоқтағанын. Өзіңіз жауап бере бастасаңыз, агент әдепкіде 5 минутқа шегінеді, бұл санды өзгертуге болады. Ал тег қойған клиенттеріңізді — VIP, көтерме, тұрақты — агенттің қолы жетпейтіндей етіп мүлде шығарып қоюға болады.
Хабарлама сценарийлеріңіздің біріне сәйкес келсе, оған сценарий жауап береді. Қалғанын агент алады — ешкім алдын ала сызып қоя алмайтын еркін сұрақтарды. Бір хабарламаға екі жауап ешқашан келмейді.
Өзінен-өзі емес — мұны да ашық айтқан жөн. Ол өткізіп алған сұрақтар тізіміне аптасына он минут бөлсеңіз, жақсарады.
Сеніммен жауап бере алмаған әр сұрақ, қайталанғаны біреуге жиналып тұрады. Клиенттеріңіз шын мәнінде нені білгісі келетінін сол жерден көресіз — көбіне өзіңіз ойлап үлгергенше.
Сол сұрақтардың біріне бір терезеден қолмен жауап бересіз, жауабыңыз сұрақпен бірге сақталады. Бір басу — және жұп өз сөзіңізбен білім базасына түседі.
Диалогта әр жауаптың қай жұптан және қай құжаттан шыққаны көрінеді. Бірдеңе оғаш оқылса, қай жолды түзету керегін бірден білесіз.
Қалғанының бәрі — арналар, сценарийлер, бір терезедегі диалогтар, таратулар — төмендегі тарифтерде де жұмыс істейді. Тарифті көтеретін жалғыз себеп — ЖИ-агент.
Бір ЖИ-жауап — бұл агенттің клиентке жіберген бір хабарламасы. Тестілеу экранындағы сынақтар есептелмейді, ұсынылған түймені басу да есептелмейді: ол жауап модельге сұрау салмай, тікелей білім базаңыздан шығады.
Әр тарифке не кіретіні Тарифтер бетінде жазылған. Әлі бірдеңе түсініксіз бе? [email protected] адресіне жазыңыз.
Тегін тарифтің мерзімі шектелмеген. «Сынақ Премиум» — 1 күн, ішінде 30 ЖИ-жауап бар.